میرے خدایا میں زندگی کے عذاب لکھوں کہ خواب لکھوں۔۔۔

میرے خدایا میں زندگی کے عذاب لکھوں کہ خواب لکھوں۔۔۔

خواب تو یہ ہیں کہ ساری  دنیا اسلام کی آغوش میں ہو ہر جان محمد ﷺ  کی غلامی کا دم بھرے ہرجگہ امن ہو رنگ و نسل کی تفریق مٹ جائےکسی کو بھوک سے مرنے کی فکر  نہ ہو کسی کو عزت لٹنے  کا ڈر نہ ہو

اور عذاب یہ ہیں۔۔۔

’’میرے شہر جل رہے ہیں میرے لوگ مر رہے ہیں‘‘ عزتیں لٹ رہی ہیں اور چور پل رہے ہیں۔۔

کوئی دن ایسا نہیں گزرتا کہ کسی کے بم دھماکے میں جاں بحق ہونے کسی کے ٹارگٹ کلنگ کا شکار ہونے کسی کے نسل پرستی پہ قتل ہونے یا کسی کے مذہب پرستی کی وجہ سے شہید ہونے کی خبر نہ سنیں جبکہ اسلام تو کہتا ہے کہ کسی ایک معصوم جان کا قتل گویا پوری انسانیت کا قتل ہے اور کسی ایک جان کو زندگی دینا پوری انسانیت کو زندگی دینا ہے۔۔۔

کسی سرکاری محکمہ کا کوئی ایک بھی کام ایسا نہیں جو رشوت دیئے بغیر کروایا جاسکے جبکہ پیارے آقا ﷺ نے تو فرمایا ہے کہ رشوت دینے اور لینے والا دونوں ہی آگ میں ہیں۔۔۔

ہمارا شاید ہی کوئی شہر ہو جسے صفائی کی مثال کے طور پیش کیا جا سکے جبکہ صفائی تو ہمارے ایمان کا حصہ ہے۔۔۔

’’کوئی اور تو نہیں ہے پس ِخنجر آزمائی۔۔۔۔ ہمیں قتل ہو رہے ہیں، ہمیں قتل کر رہے ہیں‘‘

میرے ملک کے لوگ چھوٹی چھوٹی باتوں پہ ایک دوسرے کے گلے کاٹ رہے ہیں جبکہ قرآن تو کہتا ہے کہ مومن تو آپس میں بھائی بھائی ہیں۔۔۔

’’رکھ پیش نظر وہ وقت بہن جب زندہ گاڑھی۔۔۔۔ جاتی تھی۔۔۔گھر کی دیواریں روتی تھیں جب دنیا میں تو آتی تھی‘‘

اسلام کی ایک امتیازی خصوصیت یہ ہے کہ اس نے عورت کو ورثہ میں حقدار بنایا ہے اور میرے ملک میں میری سینکڑوں بہنوں کو صرف  ورثہ سے محروم کرنے کے لیے ان کی شادی قرآن سے کردی جاتی ہے اور وہ ساری عمر اپنے باپ کے گھر بیٹھی رہتی ہیں۔ گویا زندہ درگوری کی ایک نئی شکل نکل آئی ہے۔۔۔

علم حاصل کرنافرض ہے ہر مسلمان مرد پر بھی اور عورت پر بھی۔یہ فرمایا تھا میرے آقا محمدﷺ نے۔ لیکن میرے ملک میں اس بات پر لڑکیوں کو گولی مار دی جاتی ہے۔۔۔

            مسلمان کی تو تعریف ہی میرے مرشد  ﷺ نے یہ بتائی تھی کہ جس کی زبان اور ہاتھ سے دوسرے مسلمان محفوظ ہوں اور یہاں بقول شاعر یہ حال ہے کہ ‘‘جانے کون کسے مار دے کافر کہہ کر۔۔۔سارے کا سارا شہر مسلمان ہوا پھرتا ہے’’

یہ حال ہے ہمارا اور پھر کہتے ہو کہ مرزا غلام احمد قادیانی کو کیوں مانیں۔۔۔

Advertisements

One thought on “میرے خدایا میں زندگی کے عذاب لکھوں کہ خواب لکھوں۔۔۔

  1. shafiqueadil 10 PMpSun, 21 Apr 2013 15:06:30 +000006Sunday 2013 at 3:06 pm Reply

    Islam is a complete Religion. its also fit to the nature. Need to show the real face of Islam to non believers and to other Muslims too. as they also don’t know what is real Islam. May they follow the Promised Messiah and become the peaceful members of his Community.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: